Ambasada amerikane në Tiranë njoftoi sot (e mërkurë) qytetarët se përdorimi i vizës turistike për të udhëtuar kryesisht me qëllimin për të lindur në Shtetet e Bashkuara të Amerikës dhe për të siguruar shtetësinë për fëmijën tuaj nuk lejohet dhe mund të çojë në refuzimin e vizës. Nëpërmjet një njoftimi në rrjetet sociale, Ambasada amerikane nënvizon se oficerët konsullorë do të refuzojnë aplikimet për vizë turistike në rast se qëllimi i udhëtimit është për të lindur fëmijën në SHBA.
“Oficerët konsullorë të SHBA do të refuzojnë aplikimet për vizë turistike nëse besojnë se qëllimi kryesor i udhëtimit është të lindni fëmijën tuaj në Shtetet e Bashkuara për të fituar shtetësinë amerikane, kjo është e ndaluar”, njoftoi Ambasada amerikane.
