Mbrojtësi i Kombëtares shqiptare të futbollit, Enea Mihaj do të vazhdojë karrierën në SHBA. Pasi i përfundoi kontrata me Famalicao në Portugali, Mihaj ka vendosur të largohet nga Evropa.
Lojtari është prezantuar tek skuadra amerikane e Atlanta United.
“Atlanta United ka nënshkruar me mbrojtësin Enea Mihaj si transferim i lirë me një kontratë deri në sezonin 2028 me një opsion për vitin 2029. Mihaj do të mund të luajë duke filluar nga 24 korriku, kur të hapet afati i transferimeve sekondare”, thekson skuadra amerikane në një postim në rrjetet sociale.
