Plot 49 vjet më parë, forcat izraelite realizuan operacionin e lirimit të 103 pengjeve, të koduar “Entebbe”. Operacioni mundësoi lirimin e pengjeve të avionit “Airbus” të “Air France”, në aeroportin Entebe të Ugandës.
Avioni u mor peng teksa fluturonte nga Izraeli për në Francë. Pas një ndalese në Athinë, avioni u mor peng më 27 qershor nga anëtarët e Frontit për Clirimin e Palestinës dhe një grupi të ekstremit të majtë në Gjermaninë Perëndimore, si dhe u detyrua të drejtohej për në Uganda. Nga 258 pasagjerët, pengmarrësit liruan ata që mendonin se nuk ishin hebrenj, duke kërkuar lirimin e 53 militantëve të burgosur në Izrael, Kenia dhe Gjermaninë Perëndimore. Në përgjigje, Izraeli dërgoi rreth 200 trupa, të cilët fluturuan për rreth 4 mijë kilometër deri në Uganda dhe brenda 1 ore nga ulja në aeroport i liruan të gjithë pengjet.
Të 7 pengmarrësit u vranë, ndërsa 11 avionë MIG që Uganda kishte marrë nga Bashkimi Sovjektik u shkatërruan.
Operacioni “Entebbe”, më 3-4 korrik 1976, vlerësohet si ndër më të suksesshmit në historinë e ushtrisë izraelite.
