Kryeministri izraelit Benjamin Netanjahu tha se nuk do të ketë “më Hamas” në Gazën e pasluftës, pasi organizata militante palestineze thuhet se po shqyrton propozimin e ri të ndërmjetësimit për një armëpushim në territor.
“Nuk do të ketë më Hamas. Ne nuk do të kthehemi pas. Ka mbaruar”, tha Netanjahu në një fjalim në qytetin jugor izraelit, Ashkelon. “Ne do t’i lirojmë të gjithë pengjet tona. Ne do ta eliminojmë Hamasin deri në themelet e tij”, shtoi ai.
Presidenti i SHBA-së Donald Trump njoftoi të martën se Izraeli kishte rënë dakord për kushtet e nevojshme për një armëpushim 60-ditor në konflikt, i cili tani është në muajin e 21-të.
