Organizata e “Hamas”, e cila vepron në Gaza, i ka dërguar Katarit një përgjigje pozitive lidhur me pranimin e armëpushimit të kërkuar nga amerikanët dhe të pranuar më parë edhe nga Izraeli.
“Lëvizja ka përfunduar konsultimet e brendshme mbi propozimin e fundit të mediatorëve për t’i dhënë fund agresionit kundër popullit tonë në Gaza”, thuhej në njoftim. Aty specifikohej se “vëllezërve mediatorë u është dhënë një përgjigje pozitive”.
“Hamas është plotësisht gati për të nisur menjëherë një cikël negociatash mbi mekanizmat për zbatimin e këtij kuadri”, theksoi organizata islamike.
