Drejtuesi i ri i Sirisë, Ahmed al-Sharaa, prezantoi stemën e re të shtetit të Sirisë, duke deklaruar kalimin e vendit të tij në një fazë të re, pas 40 viteve dominim të Partisë “Baath”.
Sipas al-Sharaa, “Shqiponja e Artê” simbolizon fuqinë, vendosmërinë, shpejtësinë, saktësinë dhe inovacionin.
Shqiponja do të zëvendësojë skifterin si simbol të Sirisë të qeverisjes së Bashar al-Asad dhe do të ketë në krye 3 yje që përfaqësojnë çlirimin e popullit. Pesë pendët në bisht do të përfaqësojnë 5 rajonet kryesore gjeografike, si Veriun, Lindjen, Perëndimin, Jugun dhe Qendrën, ndërsa 14 pendë në të dy krahët do të përfaqësojnë 14 krahinat.
Ky nuk do të jetë ndryshimi i vetëm i lidershipit të ri në Damask, në përpjekje për të fshirë historinë shumëvjeçare të familjes Asad në krye të vendit. Ndryshimet politike që do të ndodhin do të shoqërohen edhe me zëvendësimin e kartave të identitetit dhe pasaportave të udhëtimit.
