Familjarët, miqtë dhe futbollistët e Liverpulit i dhanë lamtumirën e fundit kolegut të tyre Diogo Jota dhe vëllait të tij Andre Silva, të cilët humbën jetën në një aksident automobilistik.
Babai i tre fëmijëve, i cili u martua me partneren e tij prej shumë kohësh Rute Cardoso 11 ditë para aksidentit, vdiq së bashku me vëllain e tij, André Silva, pasi Lamborghini me të cilin udhëtonin u përfshi nga flakët në orët e para të mëngjesit të së enjtes pas një shpërthimi të dyshuar të gomës.
Arkivolet e Jotës dhe Silvës u transportuan sot (e dielë) në kishën Igreja Matriz de Gondomar në qytetin Gondomar, pranë Portos. Kambanat e kishës ranë ndërsa turma duartrokiti teksa arkivolet e vëllezërve u transportuan në kishë, të ndjekur nga të pranishmit, disa duke u përqafuar.
