Ministri i Jashtëm i Kinës, Wang Yi, i ka thënë një diplomati të lartë të Bashkimit Europian se Pekini nuk mund të pranojë që Rusia ta humbasë luftë ndaj Ukrainës, pasi kjo do të mundësonte që Shtetet e Bashkuara të Amerikës ta kthenin të gjithë vëmendjen drejt Kinës, bëri të ditur për CNN një person i informuar për bisedimet, duke kundërshtuar qëndrimin publik të Pekinit për neutralitet në konflikt.
Pranimi erdhi gjatë takimit 4-orësh të shefes së politikës së jashtme të Bashkimit Europian, Kaja Kallas, në mesjavë në Bruksel, ku zyrtarisht “pati një shkëmbim qendrimesh në respekt të palëve, duke mbuluar një gamë të gjerë cështjesh nga siguria kibernetike, te tregtimi i metaleve të rralla, Tajvani dhe Lindja e Mesme”.
Zyrtarët thanë se deklaratat private të Wang dëshmojnë se Pekini mund të preferojë një luftë të zgjatur në Ukrainë, duke mos e lejuar SHBA-në të përqendrohet te rivaliteti me Kinën. Këto qendrime rrisin shqetësimin e kritikëve të politikës së Kinës se Pekini gjeopolitikisht është më i përfshirë në konfliktin në Ukrainë se në pozicionin e shpallur të neutralitetit.
