Ekipi turk i Gallatasaraj është gati të paguajë shumën e kërkuar nga Napoli në Itali për blerjen e sulmuesit, Viktor Osimhen. Sipas agjentëve të transferimeve, turqit mund të paguajnë 75 milion euro, aq sa kërkojnë italianët, por me ndryshimin e vetëm që pagesat të bëhen në këste të ndara në disa vjet.
Ende nuk dihet cila do të jetë përgjigja e Napolit për këtë propozim të turqve, ndërsa Osimhen prej një viti angazhohet si i huazuar te Gallatasaraj.
Me mbërritjen e Antonio Kontes te Napoli, Osimhen nuk u përfshi në planet e ekipit, ndërsa kërkesa financiare për të ishte shumë e lartë. Edhe Juventus ishte një ndër blerësit e mundshëm, ndonëse Napoli preferonte ta shiste sulmuesin jashtë Italisë.
Vetë futbollisti do të marrë një pagë prej 16 milionë euro në vit te Gallatasaraj.
