Seanca për konstituimin e Kuvendit të Kosovës ka dështuar sot (e mërkurë) për të 44-ën herë.
Kuvendi i Kosovës u mblodh sërish të mërkurën dhe tentoi formimin e komisionit për votim të fshehtë për zgjedhjen e kryeparlamentarit, por kjo kërkesë e Lëvizjes Vetëvendosje nuk gjeti përkrahje.
Deri më tani, presidentja Vjosa Osmani ka zhvilluar takime bashkë, dhe të ndara, me përfaqësues të partive politike në përpjekje të zgjidhjes së krizës. Por, nuk ka pasur ndonjë ndryshim. Thirrje për formim të institucioneve të reja kanë bërë edhe ambasadorë të akredituar në Kosovë si dhe përfaqësues të Bashkimit Evropian.
