Kryeministri Edi Rama do të jetë në Romë të enjten për të marrë pjesë në Konferencën për Rindërtimin e Ukrainës (10-11 korrik), edicioni i katërt i një takimi vjetor të nivelit të lartë, në mbështetje të ringritjes së shpejtë dhe afatgjatë të vendit, si përgjigje ndaj pushtimit nga Rusia.
Konferenca do të bashkëdrejtohet nga Kryeministrja italiane Meloni dhe Presidenti ukrainas Zelenski, dhe në të do të marrin pjesë rreth 15 kryetarë shtetesh e qeverish, mbi 100 delegacione qeveritare, 40 organizata ndërkombëtare e banka dhe 2.000 kompani, autoritete vendore dhe organizata joqeveritare.
Krahas krerëve të BE-së, Kosta e Von Der Lajen, në konferencë do të marrin pjesë edhe kancelari gjerman Mertz, kryeministri polak Tusk dhe ai grek Micotaqis.
