Situata në fshatin turistik të Thethit (Shkodër) është tensionuar sot (e mërkurë), ku banorët kanë bllokuar hyrjen kryesore për të penguar vijimin e aksionit të Inspektoratit përkatës për prishjen e disa objekteve të ndërtuara në mënyrë të paligjshme.
Banorët janë pozicionuar në urën hyrëse të fshatit, duke formuar një kordon njerëzor për të ndaluar hyrjen e forcave të IKMT-së dhe Policisë së Shtetit. Ata kanë bërë thirrje që të mos preken nënat, gratë dhe familjarët e tyre, ndërsa shprehen se do të qëndrojnë aty për të mbrojtur pronat dhe jetesën e tyre.
