Kohë jo të mira për Elon Musk edhe nga Turqia. Një gjykatë turke urdhëroi ndalimin e aksesit në chatbot-in e IA Grok të Elon Musk nga Turqia, pasi platforma dyshohet se shpërndau përmbajtje fyese ndaj presidentit të Turqisë dhe të tjerëve, sipas AP.
“Chatbot-i, i zhvilluar nga kompania e Musk xAI, postoi vulgaritete kundër presidentit turk Rexhep Tajip Erdogan, nënës së tij të ndjerë dhe personaliteteve, ndërsa u përgjigjej pyetjeve të përdoruesve në platformën e mediave sociale X”, raportoi kanali pro qeveritar i lajmeve “A Haber”.
“Përgjigje fyese u drejtuan gjithashtu ndaj themeluesit të Turqisë moderne, Mustafa Kemal Ataturk”, thanë medie të tjera.
Kjo bëri që publiku i Ankarasë të paraqiste kërkesë për vendosjen e kufizimeve sipas ligjit të internetit të Turqisë, duke përmendur një kërcënim për rendin publik.
Një gjykatë penale e miratoi kërkesën duke urdhëruar autoritetin e telekomunikacionit të vendit të zbatojë ndalimin.
