Furnizimi me karburant për motorët e avionit të “Air India” që u rrëzua muajin e kaluar, duke shkaktuar vdekjen e 241 personave në bord, është ndërprerë papritur pa u ndërhyrë nga asnjëri prej pilotëve, thuhet në një raport paraprak për aksidentin.
Avioni tip “Boeing 787” i shoqërisë ajrore “Dreamliner “u rrëzua menjëherë pas ngritjes më 12 qershor, në një prej aksidenteve më të rënda ajrore për nga numri i shtetasve britanikë që humbën jetën.
Sipas raportit të publikuar mbrëmë nga Byroja e Hetimeve të Aksidenteve Ajrore, avioni mbante 54 200 kilogramë karburant, brenda “kufijve të lejuar.”
Raporti thekson se “avioni arriti shpejtësinë maksimale të regjistruar prej 180 nyjesh IAS rreth orës 08:08:42 UTC dhe menjëherë më pas, çelësat e ndërprerjes së karburantit për Motorin 1 dhe Motorin 2 kaluan nga pozicioni ”run” në ”cutoff” njëri pas tjetrit, me një diferencë kohe prej një sekonde. Si rezultat, vlerat N1 dhe N2 të motorëve filluan të ulen pasi u ndërpre furnizimi me karburant”.
Në regjistrimin e zërit nga kabina, njëri prej pilotëve dëgjohet duke e pyetur tjetrin pse e ndërpreu karburantin, dhe tjetri përgjigjet se nuk ai nuk e kishte bërë këtë veprim.
Në aksident humbën jetën 241 persona që ndodheshin në bord dhe vetëm një pasagjer mbijetoi.
Përveç tyre, humbën jetën edhe 19 persona të tjerë në tokë dhe 67 të tjerë u plagosën rëndë.
“
