Presidenti i SHBA-së, Donald Trump i vuri një afat thuajse dymujor Presidentit rus për të mundësuar përfundimin e luftës në Ukrainë dhe arritjen e paqes. Ditët e para të shtatorit do të jenë vendimtare për përpjekjet e Kremlinit për të pushtuar Kievin.
Trump tha sot (e hënë) se partnerët tregtarë të Rusisë përballen me tarifa prej afërsisht 100% nëse nuk arrihet një marrëveshje paqeje me Ukrainën brenda 50 ditësh. Trump dha ultimatumin gjatë një takimi me sekretarin e përgjithshëm të NATO-s, Mark Rutte në Shtëpinë e Bardhë. Ai kërcënoi Rusinë me një luftë tregtare.
“Do të vendosim tarifa shumë të ashpra nëse nuk kemi një marrëveshje brenda 50 ditësh”, tha Trump.
“Unë e përdor tregtinë për shumë gjëra. Por, është shumë e mirë për zgjidhjen e luftërave”, tha ai.
