Steen Sondergaard është prej korrikut 2025 shefi i ri i teknologjisë dhe shkencës në #NATO.
I emëruar për një mandat trevjeçar nga Këshilli i Atlantikut të Veriut, pas rekomandimit të Bordit për Shkencën dhe Teknologjinë në NATO, #Sondergaard ka një eksperiencë 30-vjeçare dhe vlerësohet se sjell një ekspertizë të lartë në këtë post strategjik.
Detyra e tij do të jetë të ndihmojë me këshilla të bazuara në fakte dhe në kohë e duhur lidershipin e lartë të NATO-s, në mënyrë që ata të informohen për planin e mbrojtjes, politikat dhe vendimmarrjen.
Si kryetar i Bordit për Shkencën dhe Teknologjinë në NATO, #Sondergaard do të ketë dy objektiva kryesorë: të forcojë ndikimin e shkencës dhe teknologjisë në të gjithë instrumentet e qeverisjes në NATO, si dhe të garantojë që funksionimi i brendshëm do të japë rezultatet e pritshme.
