Departamenti amerikan i Mbrojtjes do të nisë të përdorë “Grok”, programin e inteligjencës artificiale të zotëruar nga kompania e miliarderit Elon Musk, “xAI”. Vetë kompania në një njoftim bëri të ditur se do të ofrojë “Grok” për qeverinë dhe një seri produktesh të tjera.
Marrëveshja përbën një hap të rëndësishëm për programin e inteligjencës artificiale të Musk. Sipërmarrësi nga Afrika e Jugut e ka pozicionuar programin e tij si një rival direkt të “OpenAI”, që gjithashtu ka fituar një kontratë në fushën e teknologjisë dhe mbrojtjes.
Kontrata, që ka një vlerë prej 200 milionë USD, detajon ide të reja, përfshirë ofrimin e modeleve për sigurinë kombëtare, në shkencat kritike dhe shëndetësi.
“Grok” ka qenë në qendër të debatit ditët e fundit për shkak të postimeve me përmbajtje antisemite dhe Muska ka premtuar se do të realizojë ndryshime në program.
