Start-up i Mira Muratit, i konceptuar si “Makina e Mendimit”, në fushën e inteligjencës artificiale ka arritur një vlerë 12 miliardë USD, në fazën e parë të financimit.
Vlera e financimit që shqiptarja ka arritur të mbledhë për projektin e saj është 2 miliardë dollarë. Prej tyre, 10 milionë dollarë janë investim i qeverisë shqiptare.
“Thinking Machines Lab”, kompania e themeluar nga ish-drejtuesja e “OpenAI”, njoftoi se ka mbledhur rreth 2 miliardë dollarë me një vlerësim prej 12 miliardë dollarë në një raund financimi të udhëhequr nga firma “Andreessen Horowitz”. Mes kompanive të angazhuara janë edhe gjigandë të prodhimit të çipave për inteligjencën artificiale si “Nvidia”, “Accel”, “Cisco”, etj.
Financimi gjigand i siguruar nga një kompani, e nisur vetëm në muajin shkurt 2025, dhe pa të ardhura apo produkte, nënvizon aftësinë e Muratit për të tërhequr investitorë në një sektor në zhvillim të rëndësishëm.
Leave a Reply