Anulohet koncerti i mikut të Putin në Itali

Është anuluar koncerti simfonik i dirigjentit rus Valery Gergiev, që parashikohej të mbahej më 27 korrik në Kazerta.

.Shkak i anulimit kanë qenë kritikat e ashpra ndaj #Gergiev për shkak të qëndrimeve të tij lidhur me mbështetjen ndaj Presidentit rus #Putin.

Krahas paralajmërimeve për protesta pro Ukrainës, kundër drejtuesit të orkestrës janë shprehur figura të njohura publike dhe fitues të Çmimit “Nobel”.

Valery Abisalovich Gergiev është drejtor i përgjithshëm dhe drejtor artistik i Teatrit “Mariinsky” dhe i Teatrit “Bolshoi”, krahas drejtimit artistik të Teatrit në Shën Petersburg. Ai njihet për miqësinë me Putinin, vlerësimet e marra nga Presidenti rus dhe deklaratat pro Kremlinit.