Administrata Doganore bëri thirrje që të gjithë personat që hyjnë ose largohen nga territori i Republikës së Shqipërisë, të deklarojnë çdo shumë në të holla që arrin ose tejkalon 10,000 euro, ose kundërvlerën e saj në monedha të tjera, si dhe çdo lloj instrumenti të negociueshëm, metale apo gurë të çmuar, sende me vlerë apo objekte antike.
Deklarimi duhet të bëhet pranë zyrave doganore në pikat e kalimit kufitar, para kontrollit të pasaportës, pavarësisht mënyrës së udhëtimit, nëse është me avion, anije, makinë, motorr, biçikletë apo këmbë. Po ashtu, nuk ka rëndësi nëse vlerat mbahen në çantën e dorës, bagazhe apo në mjetin e udhëtimit, madje edhe nëse nuk janë në pronësi të vetë udhëtarit.
Ky proces realizohet përmes plotësimit të formularit online për raportimin e transportit të vlerave në kufi (RTVK), duke paraqitur gjithashtu dokumente që justifikojnë burimin e të ardhurave të deklaruara.
Leave a Reply