Mesfushori i Bayer Leverkusenit, Granit Xhaka, ka arritur një marrëveshje me ekipin e promovuar në Premier League, Sunderland, raportoi të martën portali online ”The Athletic”.
Sipas raportit, 32-vjeçari po i jep përparësi një transferimi te Sunderland-i mbi pretendentët e tjerë, por negociatat klub me klub për një marrëveshje për mesfushorin zviceran janë ende në zhvillim e sipër.
Xhaka ka një kontratë me Leverkusen-in deri në vitin 2028, por ”The Athletic” tha se ai i ka kërkuar klubit ta mbyllë transferimin e propozuar shpejt.
Duke folur për transmetuesin Sky, agjenti i tij, José Noguera, tha se “kemi arritur një marrëveshje me Sunderlandin. Granit dëshiron të kthehet në Premier League”.
“Sunderland i pëlqen atij dhe ai dëshiron ta pranojë këtë sfidë. Shpresojmë që Leverkuseni do të bjerë dakord me kërkesën e tij për transferim dhe që klubet të arrijnë një marrëveshje së shpejti”, shtoi ai.
Leave a Reply