Udhëtimi drejt Shteteve të Bashkuara mund të kushtojë më shumë për disa kategori vizitorësh, ndërsa tarifa e sigurimit të vizës parashikohet të rritet. SHBA do t’u kërkojnë vizitorëve ndërkombëtarë të paguajnë një të ashtuquajtur “tarifë integriteti vize” prej të paktën 250 dollarësh, e shtuar në kostot ekzistuese të aplikimit për vizë, sipas një dispozite në projektligjin e miratuar së fundmi nga administrata Trump për politikat e brendshme, siaps CNN.
Tarifa do të zbatohet për të gjithë vizitorët që duhet të marrin viza joimigruese për të hyrë në Shtetet e Bashkuara. Kjo përfshin shumë udhëtarë për argëtim dhe biznes, studentë ndërkombëtarë dhe vizitorë të tjerë të përkohshëm.
Në vitin fiskal 2024, SHBA-të lëshuan gati 11 milionë viza joimigruese, sipas shifrave të Departamentit të Shtetit.
Turistët dhe udhëtarët e biznesit nga vendet që janë pjesë e Programit të Heqjes së Vizave, përfshirë Australinë dhe shumë vende evropiane, nuk kërkohet të marrin viza për qëndrime prej 90 ditësh ose më pak.
Pagesa do të kërkohet në kohën kur lëshohen vizat dhe nuk do të ketë heqje të tarifave.
”Udhëtarët që përmbushin kushtet e vizës së tyre mund t’i rimbursojnë tarifat e tyre pasi të ketë mbaruar udhëtimi”, sipas dispozitës.
Leave a Reply