Kryeministri Edi Rama prezantoi sot (e enjte) atë që e cilësoi si një tjetër inovacion të qeverisjes, Kryeinspektoratin Digjital të Territorit.
Në një postim në rrjetet sociale, Rama ndau një video, ku pasqyrohet një fragment i shkurtër i informacionit që ky Kryeinspektorat po mbledh nëpër Shqipëri, për të filluar punën për zbatimin e masave të reja ligjore të kontrollit të territorit.
“Ky Kryeinspektorat do të mbulojë hap pas hapi të gjithë gamën e aktiviteteve shoqërore e shtetërore në territor, nga kontrolli i ndërtimeve tek taksat e tarifat vendore, nga prodhimi bujqësor tek mbrojtja e pyjeve dhe lumenjve, duke e bërë punën e strukturave përkatëse më të lehtë, si edhe duke i bërë zullumet e llojllojshme shumë më të vështira”, theksoi Rama.
Leave a Reply