CIA feston Ditën Kombëtare të Profesionistëve të Inteligjencës

Agjencia Qendrore e Inteligjencës së SHBA, e njohur si #CIA, feston sot Ditën Kombëtare të Profesionistëve të Inteligjencës.

26 korriku është miratuar nga Kongresi si datë për të kujtuar dhe njohur burrat dhe gratë e komunitetit të inteligjencës, të cilët kryejnë detyra të rrezikshme dhe i furnizojnë vendimmarrësit me informacione dhe analiza për të parandaluar sulmet ndaj Amerikës dhe aleatëve të saj.

“Kudo ku shërbeni, në selinë qendrore në #Langley apo në ndonjë vend të largët, ju faleminderit të gjithë oficerëve të CIA-s që punojnë në misione sekrete dhe kanë gatishmërinë të pranojnë që arritjet e tyre më të mëdha dhe sakrificat e tyre personale për sigurinë kombëtare, ndoshta nuk do të bëhen kurrë të njohura”. Ishte ky mesazhi i CIA-s, i publikuar me rastin e Ditës Kombëtare të Profesionistëve të Inteligjencës.