Kancelari gjerman Friedrich Merz ka zhvilluar sërish një bisedë telefonike me kryeministrin izraelit Benjamin Netanjahu, duke i bërë thirrje këtij të fundit që të bëjë gjithçka që është në fuqinë e tij për të lehtësuar situatën e rëndë humanitare në Gaza.
“Kancelari shprehu shqetësimin e tij të thellë për situatën katastrofike humanitare në Gaza. Ai i bëri thirrje kryeministrit Netanyahu të ndërmarrë çdo hap të mundshëm për të arritur menjëherë një armëpushim”, tha zëdhënësi i qeverisë, Stefan Kornelius.
“Masat e shpallura nga qeveria izraelite duhet të ndiqen tani me hapa të tjerë domethënës dhe të shpejtë”, thuhet më tej në deklaratën nga Berlini.
Leave a Reply