Tare dhe Milan këmbëngulin për Jasharin

Drejtori sportiv i Milanit, Igli Tare, ka intensifikuar përpjekjet për të transferuar talentin shqiptar Ardon Jashari.

Në orët e fundit, Milani ka vendosur të rrisë ofertën e tij dhe është gati të paraqesë një propozim përfundimtar prej 35 milionë eurosh fikse, plus 2 deri në 3 milionë euro bonuse – shifër që në thelb arrin kërkesën prej 40 milionë eurosh të Club Brugge.

Periudha e transferimeve të kësaj vere po bëhet gjithnjë e më aktive për kuqezinjtë, që kërkojnë të përforcohen ndjeshëm për sezonin e ri.