Gjykata Themelore në Prishtinë ka shpallur aktgjykimin për rastin e sulmit terrorist ndaj zyrave të Komisionit Komunal Zgjedhor në Mitrovicën e Veriut, në dhjetor të vitit 2022. Të akuzuarit për këtë sulm: Millun Millenkovic e Aleksandar Vllajic janë dënuar me 5 vjet burg, kurse Dejan Pantic me 2 vjet, ndërkohë Miomir Vakic, është liruar nga akuzat.
Të akuzuarit Millun Millenkovic dhe Aleksandër Vllajic, kanë kërkuar nga trupi gjykues që të mos jenë prezentë në shpallje të aktgjykimit, me arsyetimin e temperaturave të larta që mbizotërojnë brenda sallave në Pallatin e Drejtësisë.
Bazuar në aktakuzën e Prokurorisë Speciale, më 6 dhjetor të 2022-tës është kryer sulm terrorist ndaj zyrave të KKZ-së në Mitrovicë të Veriut dhe një autoambulancë është përdorur për bartjen e granatave të dorës. Sipas aktakuzës, granatat i ka marrë i akuzuari Millun Millenkovic, i cili gjatë paraqitjes së fjalës përfundimtare të tij në seancën paraprake gjyqësore i ka mohuar akuzat.
Leave a Reply