Kina dhe Rusia në stërvitje të përbashkët ushtarake

Kina do të zhvillojë një stërvitje ushtarake dhe patrullim në det së bashku me forcat ruse në gusht, njoftoi ushtria kineze.

‘Stërvitja e Përbashkët Detare 2025’ do të zhvillohet si në ajër ashtu edhe në det pranë qytetit bregdetar Vladivostok, i cili ndodhet përballë bregdetit perëndimor të Japonisë.

Në vitet e fundit, Kina ka qenë në gjendje ta ndihmojë Rusinë ekonomikisht gjatë sanksioneve që vendet perëndimore kanë vendosur për shkak të luftës së pushtimit të Ukrainës nga Rusia.

Ministria e Mbrojtjes e Japonisë, në një raport vjetor më herët këtë vit, deklaroi se bashkëpunimi ushtarak në rritje i Kinës me Rusinë përbën një kërcënim serioz për sigurinë.

Sipas zëdhënësit të Ministrisë së Mbrojtjes kineze, Zhang Xiaogang, stërvitja nuk i drejtohet asnjë vendi tjetër dhe as nuk ka ndonjë lidhje me situatat aktuale ndërkombëtare ose rajonale.