Matarela, në “listën e zezë” të Kremlinit

Presidenti i Italisë, Serxhio Matarela, ka përfunduar në “listën e zezë” të Kremlinit, duke u cilësuar si rusofob për shkak të deklaratave të tij kundër veprimeve të Rusisë.

Ministria e Jashtme italiane ka thirrur menjëherë në takim për sqarime ambasadorin rus në Romë.

Ndërkohë, për listën e shpallur nga Ministria e Jashtme e Rusisë ka reaguar edhe kryeministrja italiane, Meloni, e cila e ka cilësuar vendimin e Moskës “një provokim”.

Në qendër të debatit dhe vendimit të Kremlinit janë fjalët e Matarelës, i cili e cilësoi pushtimin rus të Ukrainës si Rajhun e Tretë të Hitlerit. Kjo deklaratë e Presidentit italian është bërë në Marsejë në fillim të vitit, por duke që nuk është gëlltitur nga Moska.

Krahas Matarelës, në “listën e zezë” janë edhe drejtues e zyrtarë të tjerë të lartë të vendeve të NATO-s dhe Bashkimit Europian.