Papa emëroi drejtorin e ri të “Specola Vaticana”, një nga observatorët astronomikë dhe qendrat kërkimore-shkencore më të vjetra në botë. Ai është atë Richard Anthony D’Souza, S.J., një jezuit indian dhe astronom në të njëjtin institucion shkencor, që do ta fillojë detyrën më 19 shtator.
Me origjinë nga Goa, Indi, meshtari 47-vjeçar pason Guy Consolmagno, i cili ka qenë në krye të Observatorit në Qytet-Shtetin e Vatikanit që nga 18 shtatori 2015.
Puna kërkimore e atë D’Souza përqendrohet në fenomenin e fuzionit të galaktikave dhe efektet e tij në vetitë aktuale të galaktikave si Rruga e Qumështit. Ai është anëtar i Bashkimit Ndërkombëtar Astronomik. Së fundi, një asteroid mban emrin e tij.
Leave a Reply