Ambasada amerikane në Tiranë ka publikuar sot deklaratën e 31 korrikut 2025 të 14 qeverive, mes të cilave edhe Shqipëria, për kërcënimet nga shërbimet inteligjente të Iranit. Lidhur me deklaratën, agjencia e lajmeve “KomentON” publikoi dje një analizë, duke zbërthyer disa nga pikat më domethënëse të angazhimit të qeverive dhe shërbimeve të tyre inteligjente për të informuar opinionin publik ndërkombëtar mbi rreziqet nga Irani.
“Jemi të bashkuar me partnerët tanë europianë në kundërshtim të përpjekjeve të shërbimeve të inteligjencës iraniane për të vrarë, rrëmbyer dhe shqetësuar njerëzit në Europë dhe Amerikën e Veriut, në shkelje të qartë të sovranitetit tonë. Ne e dënojmë numrin në rritje të kërcënimeve ndaj shteteve dhe jemi të përkushtuar të punojmë së bashku për të parandaluar që këto veprime të ndodhin”, zëdhënësja e Departamentit të Shtetit, Tammy Bruce, referuar Ambasadës amerikane në Tiranë.
Mbeten të paqarta arsyet e mospublikimit të deklaratës në Tiranë, teksa prej 31 korrikut ajo ishte e afishuar në faqet zyrtare të Ministrive të Jashtme të vendeve firmëtare.
Leave a Reply