Prej orë të para të ditës së sotme (e shtunë) forca policore, mjete dhe përfaqësues nga institucione shtetërore, kanë hyrë në mjediset e dy kompanive mediatike “Media Focus Group” dhe “Panorama Group”, me kërkesën për lirimin e mjediseve. Sipas autoriteteve, këto mjedise u përkasin subjekteve shtetërore, ndërkohë që drejtuesit e kompanisë mediatike prej dekadash i zotërojnë me qira këto objekte.
Mes mediave dhe institucioneve shtetërore ka pasur konflikte gjyqësore për këtë shkak.
Për këtë zhvillim, Unioni i Gazetarëve Shqiptarë ka reaguar, duke ndjekur me shqetësim maksimal situatën që po ndodh në mjedisin e “News 24” dhe setit tjetër mediatik. UGSH kërkoi nga institucionet shtëtërore të mos bllokojnë dhe aq më keq të ndërpresin punën e gazetarëve dhe ndërprerjen e punës raportuese të kanalit të rëndësishëm informuese në hapësirën kombëtare.
“Ne po ndjekim me vëmendje komunikimin dhe sqarimet e palëve në këtë përplasje e cila ka një histori pararendëse”, tha Unioni, duke shtuar se, “është në alert për lirinë e medias dhe të ushtrimit të funksionit për gazetarët e këtij seti mediatik”.
Leave a Reply