Zelensky: Çdo vendim i marrë pa Ukrainën, do të ishte kundër paqes

Presidenti ukrainas, Volodimir Zelenski paralajmëroi kundër çdo vendimi të marrë pa Ukrainën, duke riafirmuar se ukrainasit “nuk do t’ua japin tokën e tyre pushtuesve”.

“Çdo vendim i marrë kundër nesh, çdo vendim i marrë pa Ukrainën, do të ishte një vendim kundër paqes”, paralajmëroi ai në median sociale, ndërsa presidenti i SHBA-së, Donald Trump dhe homologu i tij rus, Vladimir Putin kanë planifikuar të takohen në Alaska më 15 gusht për të provuar t’i japin fund luftës në Ukrainë të nisur nga Rusia.

Presidenti i SHBA-së, Donald Trump tha se do të takohet me udhëheqësin rus Vladimir Putin në Alaska më 15 gusht.