Kryetari i Kuvendit të Maqedonisë së Veriut, Afrim Gashi, shpalli zgjedhjet lokale, që do të mbahen më 19 tetor 2025. Sipas një njoftimi zyrtar, Gashi e nënshkroi vendimin për shpalljen e zgjedhjeve të teta lokale, në përputhje me nenin 12, paragrafi 4 të Kodit Zgjedhor, duke respektuar afatin prej 70 deri në 90 ditë nga shpallja deri në mbajtjen e zgjedhjeve.
Me shpalljen e zgjedhjeve fillojnë të gjitha afatet për zbatimin e aktiviteteve zgjedhore, në përputhje me Kodin Zgjedhor dhe sipas kalendarit që duhet ta miratojë Komisioni Shtetëror i Zgjedhjeve.
Raundi zgjedhjeve për kryetarë komune dhe anëtarë të këshillave të 80 komunave dhe Qytetit të Shkupit do të mbahet më 19 tetor, ndërsa i dyti për kryetarë komune duhet të mbahet më 2 nëntor, në njësitë e vetëqeverisjes lokale ku zgjedhjet nuk do të përfundojnë në raundin e parë.
Leave a Reply