Ministrja në detyrë e Drejtësisë së Kosovës, Albulena Haxhiu, sot (e dielë) në një konferencë për media, ka folur për një letër të vitit 2018 të cilën Lëvizja Vetëvendosje ia kishte dërguar presidentit të atëhershëm Hashim Thaci, me kërkesë që mos ta emërojë si gjyqtar në Gjykatën Kushtetuese Radomir Llabanin.
Ajo thotë se asokohe kishin kërkuar nga kryetarja e atëhershme e Gjykatës Kushtetuese, Arta Rama-Hajrizi, që të filloheshin procedurat për shkarkimin e Llabanit, por kërkesa ishte refuzuar me arsyetimin se përbënte ndërhyrje në pavarësinë e gjykatës.
“Radomir Llaban dyshohet se është bashkëpunëtor i BIA-as”, tha Haxhiu. Sipas saj, Llaban ka bashkëpunim me terroristin Millan Radoiçiq. Haxhiu tha se, Radomir Llaban paraqet kërcënim për rendin kushtetues të Republikës së Kosovës.
Ajo kërkoi që të nis procedura për shkarkim të tij nga Gjykata Kushtetuese.
Leave a Reply