Presidenti amerikan, Donald Trump, ka shprehur vazhdimisht shqetësimin për gjendjen e përgjithshme dhe atë të kriminalitetit në kryeqytetin e Shteteve të Bashkuara, Uashington D.C. Për këtë arsye, Trump do të organizojë të hënën një konferencë shtypi në Shtëpinë e Bardhë për të njoftuar masa për ndalimin e dhunës në qytet.
“Uashington D.C është kthyer në një nga qytetet më të rrezikshme në botë. Ai shpejt do të jetë ndër më të sigurtët”, tha Trump.
Administrata Trump ka qortuar vazhdimisht mënyrën e administrimit të qytetit, i cili nuk i përket asnjërit prej 50 shteteve përbërëse të SHBA dhe ka një pavarësi të caktuar nga qeveria federale. Megjithatë, Kushtetuta i njeh të drejtën Presidentit të ndërhyjë në raste të caktuara.
Presidenti amerikan, krahas masave për sigurinë, ka deklaruar se do të largojë nga kryeqyteti të gjithë të pastrehët.
Leave a Reply