Presidenti rus, Vladimir Putin mësohet se i ka dhënë të dërguarit special të Presidentit amerikan, Donald J. Trump, një dekoratë për t’ia dorëzuar një drejtuese të lartë të #CIA-s, djali i së cilës u vra në luftimet Rusi-Ukrainë, ku ishte pjesë e forcave ruse.
Sipas shtypit amerikan, #Putin i dha të dërguarit Steve Witkoff “Urdhrin e Leninit”, gjatë takimit të javës së shkuar mes tyre në #Moskë, ku u diskutua plani për ndalimin e luftës në #Ukrainë.
“Urdhri i Leninit” është akorduar nga Putin për Mikael Glos (Michael Gloss), 21 vjeç, i cili u vra në Ukrainë vitin e fundit dhe ishte djali i Juliane Gallina, zëvendësdrejtore e CIA-s për transformimin dixhital.
Për dhënien e çmimit të lartë për shërbim civil për #Gloss nuk ka një konfirmim zyrtar nga Rusia, ndërsa nuk dihet fati i dekoratës së dorëzuar te #Witkoff.
CIA në një deklaratë ka thënë se djali i zv/drejtores vuante nga një problem i shëndetit mendor dhe vdekja e tij nuk përbënte një çështje të sigurisë kombëtare. Ai nuk ka qenë kurrë një punonjës i CIA-s.
Nuk dihet se në cilin moment #Kremlini ka marrë dijeni për historikun familjar të Gloss, i cili u rreshtua me forcat ruse në vjeshtën e 2023-shit.
Leave a Reply