Trump-Putin, takimi do të zhvillohet në Ankorazh

Ankorazh (Anchorage), qyteti më i madh i Alaskës, por jo kryeqyteti i shtetit, do të presë takimin Trump-Putin

Trump do të udhëtojë për rreth 8 orë nga Baza Endrju (Joint Base Andrews), në Meriland, pranë Uashington DC, deri në aeroportin e #Anchorage.

Putin do të udhëtojë për rreth 9 orë nga #Moska deri në vendtakimin me Presidentin amerikan. Do të jetë kjo një vizitë jo e zakontë e një Presidenti rus në territorin amerikan.

Trump dhe Putin pritet të diskutojnë në Alaska për gjetjen e një armëpushimi në Ukrainë, ndërsa ende nuk ka një konfirmim për një prani të Presidentit ukrainas, Zelenski në Alaska.