Zyra e Bashkimit Europian në Tiranë reagon për situatën lidhur me #FocusMediaGroup dhe mediat e saj, duke kërkuar që mosmarrëveshjet midis të gjitha palëve të përfshira duhet të zgjidhen duke respektuar plotësisht ligjshmërinë dhe procedurat e rregullta ligjore.
“Në këtë kontekst, është e rëndësishme që çdo veprim i ndërmarrë të mos cenojë mundësinë e gazetarëve për të ushtruar lirinë e tyre në përcjelljen e informacionit dhe për të ruajtur konfidencialitetin e burimeve të tyre. Këto janë aspekte thelbësore të lirisë dhe pluralizmit të medias, që janë kritike për garantimin e shtetit të së drejtës”, thuhet në deklaratën e Delegacionit të BE-së në Shqipëri.
Leave a Reply