Kryeministri hungarez, Viktor Orban tha sot (e mërkurë) se Ukraina e ka humbur luftën kundër Rusisë – përpara takimit midis presidentit të SHBA-së Donald Trump dhe presidentit rus Vladimir Putin të planifikuar të premten në Alaskë.
“Presidenti ukrainas, Volodimir Zelenski e ka humbur këtë luftë”, tha ai në një intervistë. “Po flasim sikur kjo të ishte një situatë lufte me një fund të hapur”, tha udhëheqësi hungarez, duke shtuar se ky vlerësim ishte i rremë.
“Ukrainasit e kanë humbur këtë luftë, Rusia e ka fituar luftën”, theksoi Orban.
Orban, i cili ka vënë veton vazhdimisht ndaj sanksioneve të BE-së kundër Rusisë – për shkak të luftës në Ukrainë, pretendoi se Kievi nuk do të kapitullonte për sa kohë që furnizohej me armë dhe fonde nga partnerët perëndimorë.
“Përndryshe kjo luftë do të kishte mbaruar shumë kohë më parë”, tha politikani i krahut të djathtë.
Leave a Reply