Të paktën 89 palestinezë të vrarë në sulmet e fundit izraelite

Të paktën 89 palestinezë janë vrarë në sulme të ndryshme izraelite në Rripin e Gazës, thanë burimet mjekësore. Agjencia palestineze e lajmeve WAFA raportoi gjithashtu dhjetëra vdekje në zonën e sulmuar që në orët e para të mëngjesit. Rreth gjysma e viktimave thuhet se janë regjistruar në Qytetin e Gazës.

Shtatë persona u vranë në veriperëndim të Qytetit të Gazës – në vendin e shpërndarjeje së ndihmës humanitare.

Shtatë persona të tjerë, përfshirë pesë fëmijë, vdiqën pas një sulmi ajror në Qytetin e Gazës.

Një person tjetër thuhet se u vra në një sulm me dron në Rripin verior të Gazës.

Sulmet vijnë ndërsa forcat izraelite përgatiten të nisin një operacion për të marrë kontrollin e Qytetit të Gazës.