Presidenti i SHBA-së, Donald Trump, ka deklaruar se liderët evropianë mund të ftohen në një takim të mundshëm pasues shumëpalësh pasi të takohet me presidentin rus, Vladimir Putin.
Trump, i cili është planifikuar të niset për në samitin me interes të lartë herët nesër (e premte) në mëngjes, tha se mendon se takimi do të jetë një “takim i mirë”, por theksoi se “takimi më i rëndësishëm do të jetë takimi i dytë që do të kemi”.
“Do të kemi një takim me presidentin Putin, presidentin Zelenski, mua dhe ndoshta do të sjellim disa nga liderët evropianë. Ndoshta jo”, u tha Trump gazetarëve në Zyrën Ovale.
“Do të shohim se çfarë do të ndodhë. Mendoj se presidenti Putin do të bëjë paqe. Mendoj se presidenti Zelenski do të bëjë paqe. Do të shohim nëse mund të merrem vesh. Dhe nëse munden, do të jetë shumë mirë”, shtoi ai.
Mbetet e paqartë nëse takimi i dytë do të materializohet pasi Trump dhe Putin të mbajnë takimin e tyre.
Leave a Reply