Anija “Lissus” P-133, pjesë e Flotës Detare të ushtrisë shqiptare, shpëtoi 25 emigrantë në bashkëpunim me Rojen Bregdetare Turke. Anija “Lissus” P-133 është pjesë e misionit në detin Egje dhe zhvilloi një operacion kërkim-shpëtimi (SAR) në bashkëpunim me Rojen Bregdetare Turke.
Gjatë patrullimit, sipas Flotës Detare, efektivi i P-133 konstatoi një gomone me emigrantë e nisur nga brigjet turke, duke ndërhyrë menjëherë për t’u ardhur në ndihmë. Në bord ndodheshin gjithsej 25 persona me kombësi afgane dhe siriane,8 meshkuj,9 femra, 8 fëmijë.
“Falë veprimit të shpejtë dhe bashkëpunimit në kohë operacioni u përmbyll me sukses, duke siguruar shpëtimin dhe transportin e tyre drejt autoriteteve përgjegjëse. Ky është një tjetër dëshmi e përkushtimit të Forcës Detare për të garantuar sigurinë e jetës në det dhe forcimit të bashkëpunimit me partnerët ndërkombëtarë”, tha Flora Detare.
Leave a Reply