Presidenti ukrainas, Volodimir Zelenski, bisedon në telefon me Presidentin amerikan, Donald Trump, pas takimit të këtij të fundit në Alaska me Presidentin rus, Putin. Të hënën #Zelenski do të jetë në Shtëpinë e Bardhë në Uashington për të biseduar me #Trump.
Sipas vetë Zelenskit, biseda e tij me Trump ka qenë e gjatë për rreth 1 orë dhe më pas asaj i janë bashkuar edhe disa nga liderët europianë.
“Ukraina riafirmon gatishmërinë e saj për të punuar me maksimumin e përpjekjeve për të arritur paqen. Presidenti Trump na informoi lidhur me takimin e tij me liderin rus dhe pikat kryesore të diskutimeve të tyre. Eshtë e rëndësishme që forca e Amerikës ka një ndikim në zhvillimet e situatës”, u shpreh Zelenski.
Presidenti ukrainas deklaroi se e pranon propozimin e Trump për një takim trepalësh midis SHBA, Rusisë dhe Ukrainës. Gjithashtu, sipas tij, është e rëndësishme që Europa të jetë e përfshirë në secilën fazë për të bërë të besueshme garancitë e sigurisë, bashkë me SHBA.
Leave a Reply