Mijëra izraelitë u mblodhën të dielën në mbrëmje në Sheshin e Pengjeve në Tel Aviv për të demonstruar kundër qeverisë dhe për të bërë thirrje për një marrëveshje që do të çonte në lirimin e pengjeve. Sipas vlerësimeve të Forumit të Familjeve të Pengjeve, pothuajse 500,000 persona u mblodhën në Sheshin e Pengjeve në Tel Aviv dhe rrugët përreth për një tubim masiv, ku kërkohej nga qeveria një marrëveshje për lirimin e pengjeve të mbajtura nga grupet terroriste në Gaza.
Në mungesë të një vlerësimi zytar nga policia, kjo shihet si një nga tubimet më të mëdha që nga fillimi i luftës, shkruan The Times of Israel.
“Pothuajse 500,000 njerëz u mblodhën për të bërë të qartë — i gjithë populli i Izraelit dëshiron lirimin e të gjithë pengjeve dhe përfundimin e luftës,” tha forumi në një deklaratë.
Ky forum gjithashtu vlerëson se rreth 1 milion njerëz morën pjesë në dhjetëra protesta në të gjithë vendin gjatë ditës.
“Familjet e pengjeve i falënderojnë njerëzit dhe thonë: ‘Nga këtu, do të intensifikojmë vetëm përpjekjet tona. Qëndroni me ne deri sa të kthehet pengu i fundit!’”
Leave a Reply