Presidenti amerikan, Donald Trump, zhvilloi negociata me Presidentin ukrainas, Volodimir Zelenski dhe liderët kryesorë europianë, përfshirë NATO-n dhe Bashkimin Europian, lidhur me zgjidhjen e krizës në Ukrainë. Më pas, Trump foli në telefon me Presidentin rus Putin.
Pas takimeve në Shtëpinë e Bardhë, ku liderët europianë kërkuan një armëpushim, Presidenti Trump tha se ka nisur përgatitjet për takimin mes Presidentit rus Putin dhe atij ukrainas Zelenski, në një vend që mbetet për t’u përcaktuar.
Sipas Trump, pas takimit Putin-Zelenski do të ketë një takim trepalësh, ku do të jetë edhe ai i pranishëm.
Për koordinimin e takimit janë ngarkuar zv/presidenti Vance, sekretari i Jashtëm, Rubio dhe i dërguari special, Witkoff.
Gjithashtu, Trump e vlerësoi shumë të mirë takimin me liderët europianë, ku janë diskutuar edhe garancitë e sigurisë për respektimin e një marrëveshjeje paqeje mes Rusisë dhe Ukrainës.
Leave a Reply