Emiratet Arabe sjellin gjeneralin e ushtrisë në Shqipëri

Komandanti i Komandës së Bashkuar Operacionale të Emirateve të Bashkuara Arabe, Gjeneralmajor Awad Saeed Al-Ahbabi, po viziton Shqipërinë dhe u prit në takim nga shefi i Shtabit të Përgjithshëm të Forcave të Armatosura, gjeneral-lejtnant, Arben Kingji.

“E falënderova gjeneralmajor Al-Ahbabi për angazhimin e efektivave të Forcave të Armatosura të Emirateve të Bashkuara Arabe në mbështetje të operacioneve për shuarjen e zjarreve në Shqipëri — një kontribut që dëshmon miqësinë dhe solidaritetin e veçantë mes vendeve tona, tha Kingji.

Ai shtoi se u bisedua gjithashtu mbi mundësitë e krijimit të urave të reja të bashkëpunimit dhe shkëmbimit të eksperiencës mes Forcave tona të Armatosura, me qëllim konsolidimin e mëtejshëm të marrëdhënieve mes Shqipërisë dhe Emirateve të Bashkuara Arabe.