Shqipëria, 500 ushtarakë në misione jashtë vendit

Mbi 500 ushtarakë shqiptarë janë të angazhuar në misione të NATO-s, BE-së dhe Kombeve të Bashkuara në Europë, Afrikë dhe Lindjen e Mesme. Numri u bë publik nga ministri i Mbrojtjes, Pirro Vengu, cili publikoi edhe pamje nga trupat tona në Novo Selo të Bullgarisë.

“Ushtarakët e Batalionit të Parë të Regjimentit të Këmbësorisë së Veriut, pjesë e Kontigjentit të VI, janë sot në vijën e parë të bashkëpunimit me aleatët e NATO-s”, u shpreh Vengu.

Shqipëria ësht vend anëtar i NATO-s dhe ende nuk dihet nëse ajo do të ketë ndonjë angazhim ushtarak për të garantuar një marrëveshje të mundshme paqeje mes Rusisë dhe Ukrainës.