Megjithëse kanë kaluar 5 ditë nga takimi i Uashingtonit dhe një javë nga ai i Alaskës, ende nuk ka asnjë plan konkret për takimin e dakordësuar mes Presidentit rus, Vladimir Putin dhe atij ukrainas, Volodimir Zelenski, për të kërkuar dhënien fund të luftës në Ukrainë dhe arritjen e një marrëveshje paqeje. Në fillim të javës, Presidenti amerikan Donald Trump priti në Shtëpinë e Bardhë liderët europianë dhe presidentin Zelenski, ndërsa bisedoi në telefon edhe me Kremlinit, duke marrë miratimin për një takim dypalësh Putin-Zelenski përpara një takimi trepalësh Trump-Putin-Zelenski.
Në kundërshtim me pritshmëritë e shefit të Shtëpisë së Bardhë, Moska aktualisht nuk sheh asnjë bazë për një takim të drejtpërdrejtë midis presidentit ukrainas Volodimir Zelenski dhe liderit rus Vladimir Putin. “Putin është i gatshëm të takohet me Zelenskin kur agjenda për një samit të jetë e gatshme dhe kjo agjendë nuk është ende gati”, tha ministri i Jashtëm rus Sergei Lavrov për rrjetin amerikan të televizionit NBC.
“Ndër pikat që duhet të sqarohen paraprakisht janë heqja dorë nga Ukraina për anëtarësim në aleancën ushtarake perëndimore NATO dhe koncesionet territoriale. Zelenski tha ‘jo’ për gjithçka”, vazhdoi Lavrov.
Nga ana e tij, Presidenti Trump duket se vuri një afat të ri, kur foli se brenda dy javësh do të kuptohet se çfarë do të ndodhë me konfliktin në Ukrainës.
Ndërkohë, NATO dhe liderët europianë po punojnë për të përgatitur një paketë për Garancitë e Sigurisë që do të jenë në funksionim pas arritjes sënjë pakti mes Moskës dhe Kievit.
Leave a Reply