Franca ka thirrur ambasadoren italiane në Paris, Emanuela D’Alessandro pas komenteve të zëvendëskryeministrit italian Mateo Salvini ndaj presidentit francez Emmanuel Makron, për mbështetjen e tij për dërgimin e trupave në Ukrainë.
“Vish helmetën, xhaketën, pushkën dhe shko në Ukrainë”, mësohet t’i ketë thënë Salvini-Macronit duke komentuar propozimin e Francës për të dërguar trupa atje.
Salvini kritikoi planet e Makron, të cilat parashikojnë “ushtri evropiane, riarmatim evropian dhe borxhe të përbashkëta evropiane për të blerë raketa”.
Ky incidenti diplomatik detyroi Parisin të theksonte “se këto komente janë në kundërshtim me klimën e besimit dhe marrëdhëniet historike midis dy vendeve, si dhe zhvillimet e fundit dypalëshe që kanë nxjerrë në pah konvergjenca të forta, veçanërisht në lidhje me mbështetjen e tyre të palëkundur për Ukrainën”.
Vendimi dhe urgjenca e thirrjes së ambasadorit ka shumë të ngjarë të jenë ndikuar nga sulmet e zakonshme të zëvendëskryeministrit ndaj Macron, të cilin ai shpesh e quan publikisht një “nxitës lufte” dhe një “bombardues”.
Leave a Reply